vo la paz bis santa cruz

hallo ihr alli...
i wird vo jo etz a immer do schribe und denn choend ir do go leses cho wenn ir wider mol lust hend was ueber mini reis z ghoere..:-)
wenn ich mich recht erinnere hani mis letschte mail gschribe woni z la paz gsi bin.. sit doete isch jo etz scho wider gaaanz vil passsiert.. in la paz hani mi vom silvan trennt.. er isch vo doete us wiiter uf peru greist.. i han mi denn doete mit em michel troffe.. das isch en kolleg vo duetschland wo mit mir zeme im ustuschjoor gsi isch.. mir hend doe im gliche stedtli gwont.. mir sind zeme no 2 teg z la paz blibe.. doete ismmer ufen 5400m hoche berg ufe glaufe.. das isch echt astrenged gsi.. doete obe het me fast noed choene schnufe.. aber weme denn obe achunt isches hald scho schoen..:-) vo la paz us simmer dnen uf coroico.. das isch ide noechi.. aber viiil witer une.. isch nume no uf knapp 1500m.. doete isches denn au scho richtig tropisch.. doete simmer de michel und ich eifach 3 teg blibe und hend nuet gmacht.. isch richtig schoen gsi.. mir sind au ime rechte luxushotel gsi. .mit pool und eme riise park.. und am obig immer chli in usgnag.. jo das isch gedige gsi..:-) de michel isch dnen vo coroico us wider zrugg uf la paz und ich bin uf rurrenabaque.. das isch richtig im dschungel.. vo coroico us bini doete mit 2 schwiizer greist.. in rurre hemmer e 3 tagestour gmacht miteme boot ufem fluss und doete hemmer meeega vil tier gse.. meega vil voegel, affe, aligatore, mir hend prianhas gfischet und mir sind mit roserote delfine gschwumme wos doete im fluss het.. das isch suuper gsi..:-) die beide schwiizer sind denn wider zrugg uf la paz und ich han nomol e 3 tagestour gmacht in dschungel.. doete simmer eifach immer chli gloffe im dschungel.. hend meega vil spezielli pflanze gse und eifach alli moegliche insekte wome sich chan vorstelle (au ganz vil moskitos..;-)) doete bini mit 10 israelis underwegs gsi... isch au no speziell gsi.. han sogar es par woerter hebreisch glernt;-)
jo vo rurrenabaque us bini denn uf santa cruz greist.. das isch e richtig langi reis gsi wili han muesse ueber la paz reise.. bin oepe 40 stund underwegs gsi im ganze.. in santa cruz bini denn nume ein tag blibe.. vo doete bini mitem bus wiiter uf san jose de chiquitos gfahre.. das isch richtig brasilie.. wonis s billet uf san jose kauft han hends gseit de bus fahrt am 4i am nomitag und chunt am 11i am obig a.. de bus isch denn am 7ni gfahre und isch am 9ni(!!!!) am noechste morge acho.. isch recht e langi fahrt gsi..;-) san jose isch e ehemoligi jesuitemission( wi alli andere stedtli idere gegend au) doete hets ganz spezielli chile.. woni die chili bin go aluege hani 2 schwiizer kenneglernt, si isch vo genf und er vo lausanne, mit ine bini denn witer greist.. mir sind 3 teg in san jose blibe.. hend au no e rechti wanderig ufen huegel ide noechi gmacht wome e suuuper ussicht gha het.. mir sind denn zeme witer uf san ignacio de velasco greist.. das isch au super chlises stedtli aber richtig schoen..doete hend di beide us de romandie oeppert kennt wos in santa cruz im hotel troffe hend.. das isch e jungi frau gsi wo mit irer tochter inere wonig gwont het.. mir hend denn choene bi ire uebernacht und am obig hemmer immer gkocht.. das isch au kuul gsi, so hemmer chli luet vo doete kenneglernt.. wil immer am obig sind iri verwandte verbi cho..:-) vo san ignacio simmer noch 3 teg witer uf concepcion greist.. das isch denn gad ueber ostere gsi und es het meeega vil jungi luet doete gha.. und am samstig obig vor ostere isch richtig party gsi.. wil alli junge vo santa cruz vo chli geld hend sind uf das concepcion cho und hend doete chli ferie gamcht.. isch au no recht speziell gsi.. hald wider mol chli konzert und usgang:-) und mit dene beide welsche, tiana und esteban, isches scho recht lustig gsi..:-) vo concepcion us simmer wider zrugg uf santa cruz greist.. und jo do bini etz.. immer no mit de tiana und em esteban.. morn goemmer denn worschinli uf samaipata und ich reis denn witer uf peru wil i jo am 1. april mues z cusco si zum mich doete mitem joel treffe...
jo also .. ich hoffe es isch noed allzu lang worde min reisbricht.. aber ebe.. es isch hald scho recht vil passiert i dene 3 wuche woni etz noed gschribe han..
freu mi au wider vo eu was z ghoere..:-)
en gaaaanz en liebe gruess
david

fotolegende: s erste foti isch vo dere dschungeltour womer all die vile tier gse hend

s zweite foti isch womer sind go wandere in san jose de chiquitos, vom huegel obe abe het me denn e recht schoeni ussicht gha

und s dritte foti isch womer ufe 5400m hoch berg gloffe sind, es isch vilicht so 200m underem gipfel